NUH PEYĞƏMBƏRİN MƏZARÜSTÜ TÜRBƏSİ

Nuh peyğəmbərin məzarüstü türbəsi Naxçıvan şəhərinin cənubunda memarlıq abidəsidir. Təxminən 7500 il bundan əvvəl baş vermiş ümumdünya daşqını zamanı Nuh və ona iman gətirənlərin mindiyi gəmi ilk dəfə Naxçıvanda quruya çıxmış və insanlar burada məskən salmışlar. Beləliklə, yeni nəsil buradan törəyərək artmış, təşəkkül tapmışdır. Təsadüfi deyil ki, “Naxçıvan” sözü “Nuh tərəfdarlarının çıxdığı yer” mənasını verir.

Naxçıvan Muxtar Respublikası Ali Məclisinin Sədrinin “Nuh peyğəmbərin Naxçıvan şəhərindəki məzarüstü türbəsinin bərpa edilməsi haqqında” 2006-cı il 28 iyun tarixli Sərəncamına əsasən qədim abidə tarixi mənbələr əsasında yenidən bərpa olunmuşdur.