AÇIQ SƏMA ALTINDA MUZEY

Naxçıvan şəhərinin mərkəzində, “Əcəmi seyrəngahı”nda yerləşən muzey Naxçıvan Muxtar Respublikası Ali Məclisi Sədrinin 11 iyul 2002-ci il tarixli Sərəncamına əsasən yaradılmışdır.

Muzeyin eksponatları içərisində orta əsr Azərbaycan sənətkarlarının yaradıcılığının məhsulu olan, müxtəlif növ daşlardan hazırlanmış qoç heykəli tipli qəbirüstü xatirə abidələri xüsusi yer tutur. Bundan əlavə muzeyin fonduna daşdan yonulmuş digər fiqurlar, daş kitabələr, qəbirüstü xatirə abidələri, sütun altlıqları da daxildir.